काठमाडौं । एसिया कपको उद्घाटन खेलमा नेपालाई पाकिस्तानले ३४३ रनको लक्ष्य दिएको छ । टस जितेर  पाकिस्तानको मुल्तानमा  पहिले व्याटिङ गरेको पाकिस्तानले ६ विकेटको क्षतिमा ३४२ रन बनाएको हो ।

पाकिस्तानका लागि कप्तान बाबर आजमले १५१ रनको शतकीय पारी र इफ्तिखर अहमदको नटआउट १०९  रनको तुफानी शतकको मद्दतले नेपाल सामु विशाल लक्ष्य राखेको हो । आजमले १३१ बलमा  ४ छक्का र १४ चौका प्राहार गरेका हुन, भने अहमदले ४ छक्का र ११ चौका प्रहार गर्दै ७१ बलको सामाना गरेका थिए । त्यस्तै मोहम्मद रिजवानले ४४ रन बनाए । कमजोर शुरुवात गरेको पाकिस्तानले २१ रनको स्कोरमा पहिलो विकेट २५ रनको

स्कोरमा दोस्रो विकेट गुमाएको थियो । १२४ रनको स्कोरमा ४ विकेट गुमाएको पाकिस्तानले पाचौँ विकेटको लागि २२४ रनको साझेदारी भएको थियो ।  
नेपालले २ विकेट रन आउटको रुपमा लिएको थियो भने  सोमपाल कामीले ४९ औँ ओभरमा दुई विकेट लिएका थिए । सन्दीप लामिछाने र करण केसीले १÷१ विकेट निकालेका थिए ।

नेपालले जितका लागि निर्धारित ५० ओभरमा ३४३ रन बनाउनु पर्ने छ । विश्व क्रिकेटको एकदिवसीय वरियतामा पहिलो नम्बरमा रहेको पाकिस्तान विरुद्ध नेपालको लागि यो लक्ष्य प्राप्तिको लागि धेरै मुस्किल हुने छ ।  

नेपालको प्लेइङ–११
कुशल भुर्तेल, आसिफ शेख (विकेट किपर), रोहित कुमार पौडेल (कप्तान), आरिफ शेख कुशल मल्ल, दीपेन्द्रसिंह ऐरी, गुलसन झा, सोमपाल कामी, करण केसी र सन्दीप लामिछाने, ललित राजवंशी ।
 
पाकिस्तानकोे प्लेइङ–११
फखार जमान, इमाम उल हक, बाबर आजम (कप्तान), मोहम्मद रिजवान (विकेटकिपर), अघा अली सलमान, इफ्तिखर अहमद, सादब खान, मोहम्मद नवाज, शाहिन शाह अफ्रिदी, नसिम शाह र हरिस रौफ ।