शनिबार, ०६ पुस २०८१
भेट होला कि भन्ने पनि डर होस्
तर पर्खाइ जिन्दगीभर होस्
दिल निकालूँ र हातमा राखूँ
त्यही बेला ऊसङ्ग खन्जर होस्
फेरि तिम्रै बनोस् यो दिल मेरो
फेरि तड्पनको एक अवसर होस्
तिम्रो सम्बन्ध यस्तो सङ्ग बसोस्
उसको दिल होस् र दिलमा पत्थर होस्
जिन्दगी यसरी नै कटोस् हरपल
मर्ने बाँच्ने रहर बराबर होस्
बल्ल होला तलाश बिम्बितको
बस् बगरको विपक्षी सागर होस्
बिनोद बिम्बित
प्रतिक्रिया