काठमाडौँ। वर्षायाममा भाइरल इन्फेक्सन वा फ्लूको जोखिम बढ्छ। यस्तो मौसममा हावामा रहेको आर्द्रताले हाम्रो छाला, कपाल, हात र खुट्टालाई हानी पुर्‍याउँछ।

वर्षायाममा खुट्टालाई थप हेरचाह चाहिन्छ किनभने हाम्रा खुट्टा फङ्गस र ब्याक्टेरियाप्रति बढी संवेदनशील हुन्छन्। जसका कारण संक्रमणको जोखिम उच्च रहन्छ।

यसबाहेक वर्षायाममा सडकमा पानी जम्ने र हिलो हुने गरेको छ। फोहोर पानीमा खुट्टा भिजेमा पनि संक्रमण हुन सक्छ। खुट्टाको संक्रमण एक प्रकारको छालाको संक्रमण हो जुन धेरै मानिसहरूले मनसुनको मौसममा ग्रस्त हुन्छन्। एथलीटको खुट्टामा दागहरू, चिलाउने र खुट्टामा जलन हुने वा छाला खरानी हुने गर्दछ। यसले खुट्टाबाट दुर्गन्ध आउन सक्छ। यदि संक्रमण खुट्टाको नङमा फैलियो भने, नङ वरिपरि सुन्निन सक्छ।

खुट्टाको संक्रमणले सुरुमा दुखाइ र सुन्निने गर्छ, तर समयमै उपचार गरिएन भने यो गम्भीर समस्या बन्न सक्छ।

वर्षायाममा इन्फेक्सनका कारण खुट्टामा सुन्निने, चिलाउने, रातो दाग र फोका देखिन थाल्छ । यसका धेरै कारण छन्। जस्तै: फंगल संक्रमण, ब्याक्टेरियल संक्रमण, फोहोर र दूषित पानी,  खुट्टाको उचित हेरचाह नगर्ने,  लामो समयसम्म भिजेको खुट्टा राखेमा खुट्टामा फङ्गल संक्रमण हुन्छ। 

वर्षाको मौसममा खुट्टाको संक्रमण वा फंगसको अवस्थामा, प्रारम्भिक लक्षणहरूमा सामान्यतया छाला चिलाउने वा रातो हुने हुन्छ। यदि समयमै हेरचाह गरिएन भने, कुर्कुच्चा फुट्न सक्छ वा छाला पोल्न सक्छ। गम्भीर अवस्थामा, रक्तस्राव पनि हुन सक्छ।

यस्तो अवस्थामा खुट्टालाई फंगल इन्फेक्सनबाट जोगाउन यी उपाय अपनाउन सकिन्छ। जस्तै: सफा पानी र साबुनले दैनिक खुट्टा धुने। नङ छोटो र सफा राख्नु पर्छ। ध्यान राख्नु कि नङ धेरै छोटो पनि काट्नु हुँदैन। भिजेको मोजा लामो समयसम्म लगाउनाले ब्याक्टेरिया बढ्छ। त्यसैले भिजेको मुजा लामो समयसम्म नलगाउने। खुट्टामा फङ्गल संक्रमणको सबैभन्दा सामान्य कारण धेरै टाइट जुत्ता र मोजा लगाउनु हो किनभने टाइट खुट्टाले नमी राख्छ। मनसुनमा जुत्ताको सट्टा चप्पल लगाउनुपर्छ।

मधुमेहका रोगीहरूले वर्षायाममा आफ्नो खुट्टाको धेरै ख्याल गर्नुपर्छ किनभने मधुमेह रोगीको घाउ सुक्न वा निको हुन सामान्य मानिसको तुलनामा बढी समय लाग्छ। वास्तवमा मधुमेहका कारण चोटपटक वा घाउमा अक्सिजनको आपूर्ति सुस्त हुन्छ र रातो रक्त कोशिकाहरू घाउमा छिटो पुग्न सक्दैनन्। तसर्थ, खुट्टाको औंलाहरूमा घाउ वा चोटले गम्भीर समस्या निम्त्याउन सक्छ।