काठमाडौँ। ओमानको एक मस्जिद नजिक गोली चल्दा ४ जनाको मृत्यु भएको छ। त्यहाँ धेरै मानिस घाइते भएका छन्। मंगलबार बिहान ओमानको राजधानी मस्कटस्थित वादी अल–कबिर मस्जिद नजिकै गोली चलेको थियो। अल जजिराका अनुसार मस्जिदमा शियासँग सम्बन्धित धार्मिक कार्यक्रम चलिरहेको थियो।

ओमानको प्रहरीले उक्त क्षेत्रमा सुरक्षा बढाउन आवश्यक सबै कदम चालिएको जनाएको छ। आक्रमण कसले गरायो भन्ने बारे हाल खुल्न सकेको छैन। हमलासँग सम्बन्धित धेरै भिडियोहरू सामाजिक सञ्जालमा भाइरल भइरहेका छन्। भिडियोका अनुसार गोलीबारी सुरु हुनेबित्तिकै मस्जिदमा अराजकता मच्चिएको थियो। मानिसहरूले नजिकैको इमाम अली मस्जिदमा शरण लिए।