काठमाडौँ। इजरायल र लेबनानबीच बढ्दो तनावका कारण अमेरिका र बेलायतले आफ्ना नागरिकलाई लेबनान छोड्न सल्लाह दिएको छ। शनिबार लेबनानको राजधानी बेरुतस्थित अमेरिकी दूतावासले ट्विटरमा एक पोस्टमा भनेको छ- अमेरिका जाने धेरै उडानहरू रद्द र निलम्बन गरिएको छ। यद्यपि, लेबनान छोड्ने विकल्पहरू अझै छन्। लेबनान छोड्न चाहनेले कुनै पनि टिकट लिएर तुरुन्त लेबनान छोड्नुपर्छ।

यसपछि बेलायती विदेशमन्त्री डेभिड ल्यामीले भने- लेबनानमा रहेका बेलायती नागरिकहरूलाई मसँग स्पष्ट सन्देश छ- तुरुन्तै छाड्नुहोस्। हामी लेबनान मा दूतावास को स्थिति सुदृढ गर्न कोशिस गर्दैछौं। तनाव धेरै उच्च छ र स्थिति कुनै पनि समय बिग्रन सक्छ। अमेरिका र बेलायत बाहेक अन्य धेरै देशले पनि आफ्ना नागरिकलाई लेबनान छोड्न आग्रह गरेका छन्। जसमा अस्ट्रेलिया र भारत पनि पर्छन्।