काठमाडौँ। लगातार उकालो लागेको सुनको मूल्यमा आज पुनः नयाँ ‘रेकर्ड’ कायम भएको छ। अन्तर्राष्ट्रिय बजारमा पनि लगातार बढिरहेको सुनको मूल्य आइतबार स्थानीय बजारमा हालसम्मकै उच्च विन्दुमा पुगेको हो।

नेपाल सुनचाँदी व्यवसायी महासङ्घका अनुसार, छापावाल सुन प्रतितोला एक लाख ५२ हजार छ सय रुपियाँ पुगेको छ। गत शुक्रबार प्रतितोला एक लाख ४९ हजार छ सय रुपियाँमा कारोबार भएको सुनको मूल्य आज प्रतितोला तीन हजारले वृद्धि भएको हो।

शुक्रबार चाँदी प्रतितोला एक हजार सात सय ६० मा कारोबार भएकामा आजका लागि भने एक हजार आठ सय १० निर्धारण भएको छ। चाँदीको मूल्य पनि तोलामा रु ५० ले वृद्धि भएको हो। (रासस)