मस्को। रुसले सोमबार युक्रेनमा ड्रोन र ब्यालेस्टिक मिसाइल आक्रमण गरेको थियो। यस अवधिमा रुसले युक्रेनको दक्षिण-पश्चिमी सहरहरूमा ग्लाइड बम पनि प्रहार गरेको थियो। यी आक्रमणमा ६ युक्रेनी नागरिकको मृत्यु भएको छ भने ३० भन्दा बढी घाइते भएका छन्।

रुसले लक्षित गरेका युक्रेनी सहरहरू युद्ध क्षेत्रको अग्रपंक्तिबाट १००० किलोमिटरको दायराभित्र छन्। सोमबार रुसी आक्रमणमा मारिएका पाँच जना सर्वसाधारणमध्ये अधिकांश दक्षिणी सहर माइकोलाइभका थिए। यो सहरमा रुसले ड्रोनबाट आक्रमण गरेको थियो। 

यसबाहेक रुसले जापोरिजिया सहरमा ३ शक्तिशाली ग्लाइड बम प्रहार गरेको थियो। यसमा एक जनाको मृत्यु भएको छ। यो रुसी हमला आइतवार मस्कोमा युक्रेनी ड्रोन आक्रमणको जवाफमा आएको हो। युक्रेनले आइतबार रुसको राजधानीमा ३४ वटा ड्रोनबाट आक्रमण गरेको थियो।