वासिङ्टन। जनवरी १ मा अमेरिकाको लुइसियाना राज्यको न्यु अर्लिन्स सहरमा एक व्यक्तिले नयाँ वर्ष मनाउने मानिसमाथि पिकअप ट्रक चलाएको थियो। जसमा १५ जनाको मृत्यु भएको थियो भने दर्जनौं घाइते भएका छन्।

घटना रातको ३:१५ भएको थियो। सहरको सबैभन्दा व्यस्त बोर्बोन स्ट्रिटमा हजारौं मानिसहरू उत्सव मनाइरहेका थिए। अचानक एउटा गाडी भीडलाई कुल्चाउदै अगाडि बढ्यो ।

यसपछि आक्रमणकारी पिकअप ट्रकबाट बाहिर आए र मानिसहरूमाथि गोली चलाउन थाले। जवाफी कारबाहीमा प्रहरीले पनि गोली चलाउँदा आक्रमणकारीको मृत्यु भएको थियो। भिडन्तमा दुई प्रहरी पनि घाइते भएका छन्।