वासिङ्टन। अमेरिकाको राजधानी वासिङ्टन डिसीमा एक यात्रुवाहक विमान र हेलिकप्टर ठोक्किएका छन् । दुर्घटनापछि दुवैजना पोटोम्याक नदीमा खसेका थिए । विमानमा ४ चालक दलका सदस्यसहित ६४ जना सवार थिए ।

वासिङ्टन फायर डिपार्टमेन्टका अनुसार स्थानीय समय अनुसार बुधबार राति रोनाल्ड रेगन एयरपोर्ट नजिकै उक्त घटना भएको हो।

अमेरिकी एयरलाइन्सको CRJ७०० बॉम्बार्डियर जेट र अमेरिकी सेनाको सिकोर्स्की(H-60) हेलिकप्टरबीच दुर्घटना भएको हो। सेनाका अधिकारीका अनुसार हेलिकप्टरमा तीन जना पनि सवार थिए ।

एयरलाइन्स कम्पनीले राति ९ बजेपछि दुर्घटना भएको पुष्टि गरेको छ । यो जेट कन्सास राज्यबाट राजधानी वासिङ्टन आउँदै थियो।अधिकारीहरूले भने कि रीगन राष्ट्रिय एयरपोर्ट (DCA) लाई राति ८:५० तिर विमान दुर्घटनाको बारेमा धेरै कलहरू प्राप्त भयो ।

अहिले विमानस्थलमा सबै उडान र अवतरण रोकिएका छन् । दुवै विमानको भग्नावशेष पोटोमाक नदीमा छ ।