काठमाडौं । नेपाली कांग्रेसका प्रवक्ता एवं पूर्वअर्थमन्त्री डा. प्रकाश शरण महतले ट्रेड युनियन अधिकार र लोकतन्त्रको अगुवा अहिले पनि नेपालको सन्र्दभमा नेपाली कांग्रेस नै भएको बताएका छन् । 

शुक्रबार नेपाल वित्तीय संस्था कर्मचारी संघ राष्ट्रिय समितिको ३५औं स्थापना दिवसको अवसरमा बोल्दै उनले पार्टीले धेरै उतारचढाव बेहोरेको भए पनि नेपाली कांग्रेस लामो इतिहास बोकेको पार्टी भएको बताएका हुन् । उनले भने, ‘ट्रेड युनियनअधिकार र लोकतन्त्रको अगुवा अहिले पनि नेपालको सन्र्दभमा नेपाली कांग्रेस नै हो । नेपाली कांग्रेस लामो इतिहास भएको पार्टी हो । धेरै उतारचढाब यसले बेहोरेको छ । यो उतारचढाबको क्रममा अहिले कतिपय कमिकमजोरी पनि गर्यौं होला । तर हामी गर्वका साथ भन्छौं अहिले पनि सर्वोत्कृष्ट पार्टी नेपाली कांग्रेस नै हो ।’ 

साथै उनले नेपाल वित्तीय संस्थाले पाउनुपर्ने हरेक अधिकार नेपाली कांग्रेसको अगुवाई र समर्थनबिना सम्भव नहुने बताए । उनले वित्तीय संस्था कर्मचारी संघ राष्ट्रिय समितिको सहयोग नेपाली कांग्रेसलाई र नेपाली कांग्रेसको सहयोग र समर्थन नेपाल वित्तीय संस्थालाई हुने बताए । उनले भने, ‘त्यसैले नेपाल वित्तीय संस्था कर्मचारीहरुले जुन अधिकारको कुरा गरिरहनु भएको छ त्यो अधिकार नेपाली कांग्रेसको अगुवाई र समर्थनबिना सम्भव हुँदैन । नेपाल वित्तीय संस्था कर्मचारी संघ राष्ट्रिय समितिको सहयोग नेपाली कांग्रेसलाई र नेपाली कांग्रेसको सहयोग र  समर्थन नेपाल वित्तीय संस्थालाई हुने नै छ ।’

यसैगरी उनले नेपाल वित्तीय संस्था कर्मचारीसँग जोडिएका विषयहरुलाई पनि गम्भिरताका साथ हेरेको बताए ।  उनले नेपाल वित्तीय संस्थालाई अधिकार र जिम्मेवारीलाई सँगसँगै लिएर जानुपर्ने बताए । ‘साथै उनले नेपाल वित्तीय संस्था कर्मचारीसँग जोडिएका विषयहरुलाई पनि हामीले गम्भिरताका साथ हेर्छौं । हामीले  अधिकार र जिम्मेवारीलाई सँगसँगै  लिएर जानुपर्छ । उनले भने, हामी काममा पनि चुक्दैनौं, कर्तव्य निर्वाहमा पनि चुक्दैनौं, हामी १०० प्रतिशत दिन्छौं, सँगसँगै हामीले पाउनुपर्ने सेवा सुविधा र अधिकार पनि १०० प्रतिशत पाउनुपर्छ ।’