युक्रेनले १० वटा विमानद्वारा संयुक्त राज्य अमेरिकाबाट ८० टन हतियार प्राप्त गरेको, युक्रेनका रक्षामन्त्री ओलेक्सी रेज्निकोभले जानकारी दिएका छन् । ‘आज बोरिस्पिल एयरपोर्टमा ’खुला दिन’ हो ! थोरै हँसिलो मुद्रामा उनले भने संयुक्त राज्य अमेरिकाको ९ औं चरा पछि, १० औं चरा (विमान) उडेको र ८० टन भन्दा बढी बारूद सहितका हतियार भित्रिएको छ ।’

समग्रमा अमेरिकाले हतियारका ४५ विमान आपूर्ति गर्ने योजना बनाएको युक्रेनी सेनाको आरबीएस–युक्रेनको स्रोतले उल्लेख गरेको छ । युक्रेन वरपरको अनिश्चित अवस्था हालैका हप्ताहरूमा बिग्रिएको छ जसमा अमेरिका र ईयुले युक्रेनी सीमामा रूसी सैन्य निर्माणमा चिन्ता व्यक्त गरेका छन् । नाटोले सहयोगीहरूलाई कीभको लागि आफ्नो सैन्य समर्थन बढाउन आग्रह गरेको छ ।

यस विषयमा संयुक्त राज्य अमेरिका र अन्य आपूर्तिकर्ताहरूसँग वार्ता गर्दै गर्दा युरोपेली युनियनले रुसको ऊर्जा आपूर्तिमा वृद्धि हुने अवस्थामा युरोपमा हुने सम्भावित अवरोधप्रति चिन्ता व्यक्त गरेको छ । रुसले आफ्नो छिमेकीलाई आक्रमण गर्न खोजेको आरोपलाई लगातार अस्वीकार गरेको छ ।