बंगुरको मुटु प्रत्यारोपण गरिएका अमेरिकी नागरिकको मृत्यु भएको छ । बंगुरको मुटु प्रत्यारोपणपछि दुई महिनासम्म बाँचेका ५७ वर्षीय डेभिड बेनेटको मृत्यु भएको हो । बीबीसीकाअनुसार गत पुसमा उनमा बंगुरको मुटु प्रत्यारोपण गरिको थियो । उनको मंगलबार युनिभर्सिटी अफ मेरिल्यान्ड मेडिकल सेन्टरमा निधन भएको हो ।

उनको शरीरले बंगुरको मुटुलाई अस्वीकार गरेका कारण मृत्यु भएको हो कि अरू नै कारणले हो भन्ने प्रष्ट भइसकेको छैन । यसबारे चिकित्सकहरुले अनुसन्धान जारी राखेका छन् ।

विश्वमै पहिलो पटक बंगुरको मुटु मानिसमा प्रत्यारोपण गरिएको थियो । यस प्रत्यारोपणका लागि युनिभर्सिटी अफ मेरील्याण्ड मेडिकल सेन्टरका चिकित्सकलाई अमेरिकी चिकित्सा नियामकले प्रक्रिया पूरा गर्न विशेष व्यवस्था गरेर उनको प्रत्यारोपणको अनुमति दिएको थियो ।

उनलाई मानव प्रत्यारोपणको लागि अयोग्य मानिएको थियो, यो निर्णय प्रायः डाक्टरहरूले लिने गरिन्छ जब बिरामीको स्वास्थ्य धेरै कमजोर हुन्छ । शल्यचिकित्सक बार्टले ग्रिफिथले शल्यक्रियाले विश्वलाई अंगको अभावको संकट समाधान गर्न एक कदम नजिक ल्याउने बताएका थिए ।

प्रत्यारोपणमा प्रयोग गरिएको सुँगुरलाई आनुवंशिक रूपमा धेरै जीनहरू बाहिर निकाल्न परिमार्जन गरिएको थियो जसले बेनेटको शरीरले अंगलाई अस्वीकार गरेको थियो ।