काठमाडौं– अमेरिकी सिनेटको एक समितिले मिलेमतोमा तेलको मूल्य बढाउनेविरुद्ध मुद्दा चलाउन बाटो खोल्ने विधेयकलाई अनुमोदन गरेको छ।

यो विधेयक पारित भएमा अमेरिकी महान्यायाधिवक्ताले तेल निर्यात गर्ने मुलुकहरूको संगठन (ओपेक) र यसका सदस्य राष्ट्रहरूविरुद्ध संघीय अदालतमा मुद्दा दायर गर्ने अधिकार पाउनेछन्।

साउदी अरेबिया र रुस जस्ता अमेरिकाका घनिष्ठ सहयोगी राष्ट्र पनि यो विधेयकको दायरामा आउन सक्छन्।

विधेयकलाई रिपब्लिकन पार्टीका चक ग्रास्ले र डेमोक्र्याटिक पार्टीका एमी क्लोबुचर लगायत धेरै सिनेटरहरूले समर्थन गरेका थिए। त्यसपछि यो विधेयक सिनेट न्यायिक समितिमा १७–४ ले पारित भएको थियो।

ह्वाइट हाउसका प्रवक्ता जेन साकीले भनिन्,‘प्रशासन कानुनको सम्भावित प्रभाव र परिणामहरू बारे चिन्तित छौं। विशेष गरी रूस–युक्रेन संकट जारी छ। ह्वाइट हाउस अझै यो विधेयक हेर्दैछ।’