सम्पर्कविहीन तारा एअरको जहाज दुर्घटनाग्रस्त अवस्थामा भेटियो

दृश्यटिभि

सोमबार, १६ जेठ २०७९, ०७ : ४१ मा प्रकाशित

काठमाडौं– आइतबार बिहानदेखि सम्पर्कविहीन तारा एअरको जहाज दुर्घटनाग्रस्त अवस्थामा फेला परेको छ।

खोजी तथा उद्धारका लागि पुगेको नेपाली सेनाको टोलीले सोमबार बिहान मुस्ताङको थासाङ गाउँपालिका २ स्थित सानोस्वारमा जहाज क्षतविच्छेद अवस्थामा फेला पारेको हो। सेना जहाज दुर्घटनास्थल पुगेको छ।

थप विवरण केहीबेरमा आउने सेनाले जनाएको छ।

Crash site: Sanosware, Thasang-2, Mustang pic.twitter.com/OcN93N1Qyb
— NASpokesperson (@NaSpokesperson) May 30, 2022

पोखराबाट जोमसोमका लागि उडेको तारा एअरको ९ एनएईटी ट्विनअटर जहाज आइतबार बिहानदेखि बेपत्ता भएको थियो। विमानमा चालक दलका तीन सदस्यका साथै १९ जना यात्रु थिए।