काठमाडौं– तारा एअरको जहाज दुर्घटनामा मृत्यु भएकाहरूको शव बिहीबार आफन्तहरूलाई बुझाइने भएको छ।

दुर्घटनामा निधन भएका २२ जनाकै शवको पोस्टमार्टम गर्ने काम सकिएकाले बिहीबार आफन्तलाई बुझाउन लागिएको हो। 

पोखराबाट मुस्ताङको जोमसोमतर्फ जाने क्रममा आइतबार तारा एअरको नाइ नएनएईटी ट्विनअटर जहाज मुस्ताङको थासाङ गाउँपालिका–२, को सानुसरे पहाडमा दुर्घटनामा परेको थियो। 

दुर्घटनामा चालक दलका तीन सदस्यसहित १३ जना नेपाली, चार भारतीय तथा दुई जना जर्मन नागरिकको मृत्यु भएको थियो।