मुम्बई। फिल्म निर्माता लिना मणिमेकलाईले निर्माण गर्न लागेको डकुमेन्ट्री ‘काली’ को पोस्टरलाई लिएर भारतमा बबाल भएको छ।

पोस्टरमा काली माताको अभिनय गरेकी अभिनेत्रीले चुरोट पिउँदै गरेको देखाइएको छ। २ जुलाईमा पोस्टर रिलिज भएपछि सोसल मिडियामा मानिसहरूले गाली गर्न सुरु गरेका छन्। उनीहरूले धार्मिक भावनामा ठेस पुर्याउन खोजेको आरोप लगाएका छन् र निर्माता लिनालाई तुरुन्त पक्राउ गर्न माग राखेका छन्।

पोस्टरमा एलजीबीटिक्युको झण्डा पनि देखिएको छ। यस विषयमा पनि विवाद उत्पन्न भएको छ। पोस्टरमा काली माताको एउटा हातमा त्रिशुल र दोस्रो हातमा एलजीबीटिक्युको झण्डा बोकेको देखाइएको छ।