काठमाडौं। काठमाडौंबाट फोहोर बोकेर बञ्चरेडाँडा ल्याण्डफिल साइट हिँडेको गाडी राजनीतिक दलका प्रतिनिधिहरूको अवरोधका कारण बीचैमा रोकिएको छ। काठमाडौंका फोहोर फ्याक्न दिने सम्बन्धमा आइतबार मात्र सहमति जुटेको थियो।

स्थानीय तीन दलका नेताहरू बसेर फोहोर फ्याक्न दिने घोषणा गरेका थिए। तर, साँझ धादिङ धुनिबेशी नगरपालिका–१ कांग्रेस सभापति पूर्णबहादुर तामाङ, माओवादी केन्द्रका अध्यक्ष विष्णु तामाङ र एकीकृत समाजवादीका अध्यक्ष भीषण धितालले संयुक्त विज्ञप्ती निकालेर बञ्चरेडाँडामा फोहोर फ्याक्न नदिने घोषणा गरे। 

बिहान काठमाडौंबाट हिँडेको गाडीले अवरोधका कारण फोहोर फ्याक्न सकेनन्। आइतबार गएको २५ वडा ट्रकले भने फोहोर बिर्सजन गरेका थिए।