काठमाडौं।  श्रीलंकालाई ६–० गाेल अन्तरले पराजित गर्ने क्रममा नेपाल साफ च्याम्पियनसिपको सेमिफाइनलमा प्रवेश गरेको छ। नेपालकाे जितमा अमिसा कार्कीले दुई, रश्मी घिसिङ, सरु लिम्बू, अमृता जैशी र दिपा शाही एक/एक गोल गरे। 

त्रिपुरेश्वरस्थित दशरथ रंगशालामा भएको खेलको १०औं मिनेटमा रश्मीले गोल गर्दै नेपाललाई अग्रता दिलाएकी थिइन् । उनले हिरा कुमारी भुजेलको पासमा गोल गरेकी थिइन। त्यसको एक मिनेटपछि सरुले अर्को गोल थपेकी थिइन। उनले पुनम जर्घा मगरको पासमा गोल गरेकी थिइन।

नेपालले पहिलो हाफमै ४ गाेलको अग्रता बनाएको थियो। नेपालका लागि १७ औं मिनेटमा अमृताले गोल गर्दै नेपाललाई ३-० को अग्रता दिलाइन् । इन्जुरी समयमा दिपा शाहीले गोल गरिन्ग। 

खेलको ७६ औं मिनेटमा अमिसाले गोल गर्दै नेपाललाई ५-० गोलको अग्रता दिलाइन् । उनले नै इन्जुरी समयमा दोस्रो गोल गर्दै नेपाललाई ६-० गोलको जित दिलाउन सहयोग गरिन्। नेपाल समूह विजेता बन्दै सेमिफाइनल पुगेकी हो। यसअघि नेपालले ४–० ले भुटानलाई पराजित गरेको थियो। 

भाेलि भारत र ब‌गलादेशबीच हुने खेलकाे उपविजेतासँग नेपालले सेमिफाइनल खेल्ने छ। नेपालको सेमिफाइनल शुक्रबार हुनेछ।